Julemarked på Nordfjord folkemuseum den 6.desember, eg har tenkt meg attende dit i år. | |
| Då må ein ha litt nytt å by fram, ikkje berre det gamle trauste og trygge. (Tekst på bollen; "Den som har begge beina på jorda, står stille!" det kan vel vera ei lita trøyst når ein let humla suse...) |
 | |
| Ølbolle, patinert og mattlakka, ferdig til levering. Rundt kanten står eit personleg rim som eg ikkje syner her. Rimet skal sei noko om eigaren, eller om ølet. Eller begge deler, om ein kan få til det...! Eks:" Han Ola på Bakken er min vert, han bryggjar ølet so godt og sterkt!" |
 | |
| Dette er ein veldig stor bolle, levert sist år. Rosa er mi eiga, men inspirert av eit gamalt mønster frå Nordfjord. Teksten under er også gamal: Velkomen vener være, for godt behag og dykkar ære!! |
 |
| Ein kunde ville ha ei markblomdekorert øsje! Lenge sidan eg måla det.... |
 |
| Kosar meg med ein sommarleg palett i november! |
 |
| Det vart surt og regn i dag.... då er det greit å ha ein jobb som står klar innomhyses! |
Eg er medlem i ARV, som er ei eksklusiv lita samling av handverkarar frå Nordfjord.
Mitt bidrag der er rose måling i lokal stil, frå fylket her. Eg lærde målestilen hjå Alvhild Eldal i Viksdalen, som hadde teke oppatt den gamle målingstypen som var utbreidd her midt på 1800 talet. Til liks med meg tykte ikkje ho heller at telemarksmåling passa å drive med på desse kante!!
Sveipa skrin for t.d bunadsølv. Gamal nemning er Plagg-øsje.
Her er ein bolle som er dreia i rå ved, då får den denne spesielle skeive forma etter at den er tørr. Gamle bollar var ofte slik avdi dreiejarna ikkje var råd å få så skarpe tidlegare, og dreiinga gjekk mykje lettare i rå ved.
Eg fekk eit artig spørsmål om å kopiere ei gamal kiste, ein slektning i USA ynskte lik kiste som ætta i gamlelandet. Og eg vart sett tilbake til 1864..... Her er den gamle, og under den nye. Kunden var godt fornøgd heldigvis... og no er kista på plass i "det forgjettede land".
Dette året er det 100 år sidan Nyland var fødd. Han budde her i bygda og levde heile livet av kunsten sin. Dette trykket heng i stova vår og eg er veldig glad i det. Her er dei små gamle husa plasserte godt i landskapet ved Bergheimsvatnet, ein apal, eller ein hegg blømer nedom stova.
Oljemåling på ei gamal grov fjøl, litt av fjøla er synleg i bildet. Av Petter Eide, og motivet er frå Øvredalen på Egge.
Pella Giil si eplegrein i bløming. Eg som vaks opp i ein eplehage kan nesten kjenna den søtlege angen frå bildet... Pella var ei fargerik dame som eg minnest med glede. Vi var ei lita gruppe som gjekk hjå ho ein heil vinter og måla, vi hadde det festleg, og lærde mykje.
Nyperoser har eg eit godt forhold til..... har prøvd å plante dei her fleire gonger, utan å lukkast, dei likar nok ikkje trekken frå brèen.
Eg er svak for gamle hus.... og sluttar av med Fitje støylen av Ståle Fitje. Han er lærar og har nok lærd mange å bli glad i tegning og måling! Syng vakkert gjer han også, attåt sitt gitarspel.
Alltid litt stress med å bli ferdig med bestillingane til Jul....
Nesten ferdig kaketine, litt "patina" manglar
Nymåla "tulipan"-korg, skal tørke
Ferdig fat som passa attåt lysestaken min....!
Levert til årsmøte i Breim Bondelag
Startar på ny kaketine... Kunstnarfargen må tørke nokre dagar før patina og matt lakk
Hjartemotivet går igjen hjå meg, eit gamalt symbol som gjev vern og lukke. Målarstilen er frå Viksdalen, Sogn & Fj. "Fatigmannsroser" vart dette kalla austanfor, der dei sverga til, etter mi meining......den noko glorete telemarksmålinga.
Litt meir måling i same slengen, ein ølbolle i "nordfjordsk stil" , til eit heilt anna bruk....!
Og så berre noko tullemåling.... Desse gamle 70 tals lampene vart jamen litt muntrare!
