søndag 21. desember 2014

JULESNØEN


    So vart vi velsigna med julesnø.....! Etter lang tid med bar mark og fine vegar var det berre heilt ok.



onsdag 19. november 2014

Roser

  Fekk lyst å måle nokre søte små roser her ein dag...

Julemarked på Nordfjord folkemuseum den 6.desember, eg har tenkt meg attende dit i år.
.
Då må ein ha litt nytt å by fram, ikkje berre det gamle trauste og trygge. (Tekst på bollen; "Den som har begge beina på jorda, står stille!" det kan vel vera ei lita trøyst når ein let humla suse...)
                   















                          


søndag 16. november 2014

NOVEMBERLYS

Ein vakker morgon....!

Heile verda var rosa i dag tidleg, skulle tru det ikkje fannst noko vondt nokon stad...

Tykkjer det er berre i november det kan bli slik, det må vere noko spesielt med lyset på denne tida.



onsdag 12. november 2014

Ved det normale...

So er dagane heilt normale igjen.... dei normale dagane, då ingenting spesielt hender, dei er det flest av!! Kanskje er det bra slik. Vi har hatt litt frost i natt, og sola skin berre ei lita stund no.



Vatnet er også tilbake til det normale, naustet har fått land og strand igjen attmed seg

Dei sauene som har berga seg frå slaktebilen, og skal føra slekta vidare, kosar seg ute enn so lenge.

FLAUM, Okt 2014

Sandalsvatnet har vore stort mange gonger, men aldri så stort før.

Sitjeplassen ved elvemunninga er heilt under vatn....

Elva gjekk langt over sine bredder



Jordblanda overflatevatn strøymde inn i snikkarbua, shitt...  og vidare inn i vaskekjellaren, der er heldigvis betonggolv og god sluk.
Men  endå verre... også inn i 60 tals stova vår. Her vert platecover tørka opp, og andre ting som stod på golvet. Vi håpa det hadde gått bra... Men etter få dagar byrja golvet å bule opp, vatnet hadde  trekt ned under flisane, det var våte sponplater og huntonitt under, vi må få alt vekk.
Nokre bilder tekne tidlegare. Det er ganske mykje som må ryddast ut, før vi kan legge nytt golv.        Er berre glade for at vatnet kom på dagtid og at vi var heime, så det kunne begrensast så pass.
 

torsdag 23. oktober 2014

NY VETERANTRAKTOR

På Finn.no hadde bonden sett denne traktoren for sal, Mc.Cormick 1964 modell, veldig lite brukt. Vi hadde nett maken, også 1964 modell, den var heilt utsliten no. Mange redskap hadde vi for denne vesle lette traktoren, og sidan seljaren faktisk var her i kommunen, slo vi til. Bonden har nyleg feira dag, så det vart ei super gåve til ein super mann, frå konemor!!

Raud og fin i lakken, og heilt i orden på alle vis!!!

Den kom godt stroppa på ein stor bilhengar.

Seljaren reknar med at det går fint når bonden køyrer den utav hengaren. Han hadde køyrt den ein liten tur før på dagen, og var begeistra! Etter den kom til gards har den no vore med på diverse arbeid og har skikka seg riktig godt!!

Her er då den gamle slitaren som seier takk for seg no. Den måtte vi slepe igong med den større raude, du ser han svettar olje og er heilt sliten på skjermane, rattet var slite heilt ned på metallet.... 50 år i teneste! Vi kjøpte den brukt då vi tok til her på garden først på 70 åra. Berre setet, som er bra nytt, har vi flytt over på den no nyankomne.

mandag 8. september 2014

STØYLSDAG 7.SEPT

Sandal Krins byd inn til Støylsdag

Det er stas å få vera med på traktor-safari opp dei bratte bakkane!!
Her var to ekstra spente som aldri hadde vore på Sandalstøylen før....

Og nokon fekk reisa i lenestol på 1.klasse!!


"Hølkje" til å bere mjølk på ryggen, det tek 23 liter
Super spekekjøt, veldig kortreist!!

Rømmegrauten smaka fortreffeleg på stølsvollen!


Dei flinke som "styrte med det". Heldige vi som har eit så dugande krinsstyre  :))

                                                    Ingebjørg fortel om historia til Sandalstøylen og støylslivet før.                                         "Og alle var samde om at det hadde vore ein flott dag!"

onsdag 13. august 2014

Ved Panoramavegen

Tidleg i sommar, før turistsesongen tok skikkeleg til, hadde vi nokre kjekke småturar. Å køyre Panoramavegen frå Lote til  Stryn er av dei koselegaste turane i Nordfjord! Her på kaia i Hopland må vi alltid ha ein stopp.  Å køyre liten open bil er så klart eit pluss på denne vegen!! Ned til Hopland er bratt og svært vakkert.....!
Den gamle skipsekspedisjonen og butikken er no restaurert til bustad/feriehus, det er blitt riktig så fint, sjølv om vi saknar den koselege butikken, der ein også kunne få ein kaffikopp.  Men ein kan ikkje drive butikk berre som hobby, det vart for lite sal. 4H klubben har kafe og handverksutsal i grendahuset (fruktlageret?) like ved, men dette var i juni og dei hadde ikkje starta opp endå.
Litt lenger inne, ved Sagedammen er også eit must å stanse. Her er eit nydeleg område, bygd  opp av dei driftige folka på Nordsida.  Her er m.a. eit historisk sagbruk som er heilt komplett.


Her er det fint å ha piknic, her er grillar og tilogmed ein bakaromn, som det sikkert går å nytte etter avtale.  No nyleg var her oppsett eit sogespel, som vi gjerne skulle ha sett!! Men høyrde på radioen at det var godt besøkt og svært vellukka. So kjekt.
Heile Nordfjorden er laga til som ein leikedam, med skilt og namn på dei ymse bygdane langs med fjorden. Her ligg båtar i kassa der til venstre i bildet, klare til å leike med, med snor og kjepp og det heile. Vi hadde ikkje ungar med denne gongen, så båtane fekk kvile. Men vi noterte at det alt var kome bru der i Indre! (Bak den vesle buska) Vi Glopparane hadde nok lyst å flytte den utover, men vi greide heldigvis å lata det vere...!!! Høflege som vi då er...


lørdag 21. juni 2014

21.juni 1969

 Gjet om det var ein som hadde vore ute og plukka prestekragar til meg i dagtidleg.....!!
45 år med verdens beste og snillaste mann, so heldig er eg!!

 Kruna og pynten kjøpte oldefaren min i Bergen, då han var der med jekta si og fekk premie for den fine frukta frå Sogn. Eldste sonen skulle gifta seg når han kom heimatt. Men det vart ikkje bryllaup, for då faren kom heim hadde sonen døydd i blindtarmbetennelse. Han hadde bede bror sin å ta seg av kjærasten hans, og det gjorde han so bra at dei vart gifte sommaren etter.....!!


                                  Kjelvet har nok ikkje blitt mykje nytta til dette bruk....!                                                      Verken brudgommen, eller min forlovar og gode barndomsvennine, ser ut til å late seg skremme noko særleg av denne nybakte bondekona...
Eit bilde frå den kortreiste bryllaupsturen, ei overnatting på Eggestøylen! Hesten var no snill ...

Limusin service heim frå mjølkeplassen i beitet...

Denne kjekke familien kom eg til!

LinkWithin

Related Posts Plugin for WordPress, Blogger...