Oskefisen gifter seg... med sin søte sambu! Italia er staden, der dei har studert og feriert. Gjestene treng også litt nytt til det store høvet...
Men veske? Mor mi sin "clutch" frå 1935 fann eg ut passa bra ihop med resten!
Endeleg fekk bonden oppfyllt sin draum om ein tur i småfly, han var "2.pilot" hjå Nik`en i lokalavisa, som eig flyet.... Like til høgre for flyhjulet her kan vi i k k j e sjå ein raud prikk, som er meg nede på garden, med hjartet i halsen....!
Sandalsgardane. Ettermiddagsola lagar litt lange skuggar på granene, mest som sypressar!
Strupen, fossefalla ned mot Myklebust
Sandal igjen, vatnet har ein nydeleg farge sant? Garden vår rekk frå den lange stripa med rundballar og framover. Den andre kvite stripa er vegen ned til det nye fellesfjøset. Naustet vårt ligg litt gøymt ved elvosen inni hjørnet der...
Platået på (heksefjellet) Vora, skiljet mellom Sandal og Bergheim. (heksene er ikkje å sjå...)
Myklebust brèen med Snønipa som høgaste punkt.
Ser ned mot Eggedalen og Bergheimsvatnet, med den karakteristiske Eggenipa
Denne stolen er frå mine besteforeldre sin husmannsplass. Den var nok trekvit då eg fekk den i min pure ungdom. Men eg var alt då flittig med målarkosten...... No er den ganske sliten og litt fint krakkelert. Storebror snikkerte eit skrivebord til meg og møblar elles laga eg sjølv av fruktkasser. Alt, saman med senga, vart måla i denne ganske friske gulfargen, og eg hugsar at eg var veldig fornøgd med rommet mitt!
Eg har slite litt med å finna ein egna stad til min kjære stol, den har levd eit veldig omflakkande liv sidan den forlet det vesle skrå-rommet mitt, ikkje funne seg skikkeleg til rette nokon stad. Gult er liksom ikkje heilt så kult nett no.....
Frå før har vi nokre Venezianske glaskuler i Millefiori, som vi kjøpte i Firenze.
Sidan vi er i det gule hjørnet slenger eg like godt på eit par sitroner også, sunt og så godt!!
Sølvbergsnausta er ein nydeleg plass ved Nordfjorden. Visst ein køyrer Panoramavegen og stansar ved butikken på Sølvberg, så går det ein kjempefin tursti ned dit.
Som gamal fjordulk var vel eg den som sette mest pris på den friske turen over fjorden, det var litt bølgjer, herleg!!
Vi bevegar oss oppover i det bratte lendet, nydeleg utsikt og varmt. Små frukthagar og utelader var det fleire av. Tross mørke skyer heldt vêret seg opplett.
Vi har jo nokre ganske bra fotomodellar i gruppa...... god turist-reklame for stien til Sølvberg her :o))
På denne garden, til høgre for dette fine vestlandshuset, kom vi opp, Vi gjekk ein annan sti nedatt, men denne her er nok den lettaste å finne om du går ned frå Panorama vegen.
At det finnst så mykje glede og fargar i ei lita pakke blanda sommarblomstfrø!! Kring grønsakhagen lyser dei opp i ei brokut forsamling, fleire av dei hadde eg aldri sett før...
Koseleg å ta inn bukettar av det rike floret ......
Litt blomkarse friskar opp der bløminga er på hell... Her ved stabburstrappa.
Sitjeplassen ved Annestova er utvida mot utsikta til brèen.
Kva med ein kopp te ved Nystova? Det gamle epletreet tek litt av utsynet her, og er vurdert vekkteke, men det blømer så flott om våren....
Slik eller slik.....
Enno er det sommar-turistar her eit par veker, men så vert det rolegare. Vi har ein familie som skal bu i Håja (det gule) heile vinteren, det er koseleg.
Tenk at vi skulle få slike varme vakre dagar igjen! Sitron-isen, som tausa laga i dei uthola sitronene, var klart nr. 1 blant dessert favorittane denne sommaren!
Bonden min er badeglad, og brèvatnet vår er friskt og innbydande! men kaldt....brrr ....ikkje over 10 grader, han er ein hardhaus! Eg må til fjorden, der har det vore brukbart før i sommar. Dessuten opnar bassenget nede i bygda no, der er e g flittigast.
Ein padletur i stille landskap gjev nye krefter...Tausa er glad for å vere heime å få ein tur i kajakken sin.
Når det er mat ved vatnet er korga alltid i bruk, pen og praktisk. Gamalt mønster frå Sogn og Fjordane, sveipa og sydd med bjørkerøter.( Di for 1800 kroner!! Det var dagens gode tilbod....!)
Astruptunet er heimen til kunstnaren og "gartnaren" Nicolai Astrup på Sandalstrand i Jølster, no musèum. Det er berre vel ein halvtimes køyretur frå oss.
Her er også ein liten kafè, så ein kan få kjøpt vafler og sveler bl.a. I det lokalet kan ein også sjå ein film om Astrup sitt spennande, men korte liv.
Engel, som Nicolai vart gift med (då ho var svært ung) var ein også ein kunstnar på sitt felt. Under kan du sjå gardiner som ho hadde trykt mønster på.
