Litt sommar inni mellom...

Sommaren så langt har vore av dei kjølege.... Berre nokre få dagar innimellom med varme. Desse bilda er frå vår yndlingsplass ved fjorden, tidleg på sommaren og forventningane var store! Vi har endå ikkje gjeve opp håpet om badeliv...! Når skulane tek til att kanskje???
Men opptekne har vi nok vore, sidan førre blogginnslag var frå Jonsokafta!!!

Jonsok 2012

Det vart ein nydeleg midtsommarkveld dette året!

Ei av dei ivrigaste fiskarane...

Etter grillmat kom endeleg natronkaker og lefser på bordet.... og no vert bålet tent.

Lita jente og liten hund

Bloggaren sjølv er komen med, midt i mellom to av Bergheims"gutane"!

Det er omlag midnatt og bålet er snart brent ned.  Det var det beste bål på lenge, fullt av Dagmar sitt granbar, var knusktørt og utvikla ein voldsom varme! Takk til slekt, vener og naboar for ein koseleg kveld!



Regnvêr og innearbeid

Det vart surt og regn i dag.... då er det greit å ha ein jobb som står klar innomhyses!

Ved Gloppefjorden

Det var ein nydeleg søndag ved Gloppefjorden! Frå Anda, (ein  halvtimes køyring heimanfrå) ser vi over mot Hestenesøyra.

Det vesle fyrtårnet syner veg inn fjorden til Sandane.



Vi ser Devik. Der er gardane så bratte at dei treng å gjerde hønene inn på berre tre kantar....seiest det!! Firmaet "Høgt og vilt"  (!!) driv urteproduksjon der.



Midt i bildet ligg "Heksesteinen".  På denne idylliske staden vart mange kvinner, og nokre menn, brende som hekser .....

Her er Lotsberg, også høgt og fritt! Midt i bildet bur ei ung dame som vev vakre åklær, medlem i handverkarlaget ARV som eg. Ho har eit fantastisk utsyn frå si vevstove!

Ferja går over til Lote, der E 39 går vidare til Nordfjordeid. Oppe i lia går ein fin gamal veg/sti inn frå Lotsberg til den einbølte høgdegarden Åsen, nett innom billedkanten i himmelsjå.. Der gjekk vi ein gong.

Eit enkelt måltid med lukta av tang og fjord.... mmmm...  og favoritt-tur-koppen frå barndomen!!



På heimveg kan vi sjå "våre" fjell, Vora og Snønipa, heilt bak. Frå denne kanten ser Snønipa mest ut som ein pyramide! Den ligg over 1800 m o h.  Vi køyrde open i dag, men den lille røde fekk visst ikkje bli med på noko bilde denne gongen!



Kjekk og travel tid

Arbeidsdagane på garden vert lange no på våren, vi kjem seint i hus og det vert berre å sjekke eposten før eg må ta kveld. Blogg og sosiale media må få seg ein pause i slike tider....

Det er så fint med supert vårvêr og kjempekjekt å jobbe ute no  :o))

Hugs å nyte dagane, no når alt liv berre ventar på å falde seg vakkert ut ....

Litt historie i dette bildet:  Den gamle stoveplanta  Lykkekløver, frå mi svigermor, har overvintra tørt og mørkt i eit skåp, men kjem snart med eit rosa flor. Den kan også flyttast ut når det vert varmare.
Trøsymaskina (som eg sydde mine første kreasjonar på...) er frå  far min sin møbeltapetiseringsverkstad. Begge desse to personane er forlengst borte, men har gjeve meg så kjære minner. 

Ei snøgardin...!

På leikestova har det laga seg ei flott gardin i dag!!

Ikkje lenge etter eg tok bildet ramla den ned....  Øyeblikkskunst kan ein vel kalle det!

Roleg på leikestova no, men i dag køyrer vi for å henta småjentene for ei veke,
 så då vert det liv i leiren igjen!!

Kjøleg i dag etter siste snøfallet, men YR lovar godt for denne veka, så det trur vi på!
Ha ein fin søndag du også, eg skal ta niste med for ein rast ved Fjorden 
 (ja, med stor F er det nok Sognefjorden...!)

GOD PÅSKE !

Dei søte primulane fekk seg nokre kalde grader i natt....

Bålpanna er blomestativ enn so lenge, men no vert vi mange i garden så det blir nok pølsegrilling....!

Mindre heldigt for dei som ikkje er under tak.... slik er her i dag!



Einaste fonna av gamal snø fekk også fornye seg litt!
 I restane etter snøhytta her frå vinterferien fann eg diverse skattar...



Det ser ut som at det er slik påskevêret skal bli her, litt snø og litt sol. I skrivande stund skin faktisk sola rett so  fint!!

Feriehus og gjesterom er klare for innrykk, det  er mange små og store som er på veg i dag, så no må ei stor matagryte gjerast ferdig.....!

Vi har diverre ikkje fått sendt nokon påskehelsingar i år, så eg håpar nettopp du ser dette.......

Høgtidene er vanskelege når ein saknar nokon, men ynskjer at alle likevel kan ha det fint ilag med sine. Go`påske!