Støylstur i dag

Skulle jobbe vidare med vedlikehalds-prosjektet vårt på Bjørkheim,
 men bestemte å ta ein støylstur i staden for, sidan vêret var så fint! 

Fossen hadde ikkje fått heilt sola på seg då vi for oppover, og på heimtur var den nettopp gått ned.



Her ser vi kor djup jytta er. Dette bratte området heiter Styggefjellet. Her har det vore dramatikk mange gonger når vi har henta sauene våre. Dei elska å balansere på dei luftige hyllene her!



Vi ser nedatt i dalen, og Byrkjelo der heilt bak

Kjempefint på fjellet i dag! Såg ein flokk ryper som flaug opp her.



Litt vedlikehald vert det her også.....



Mot brèen

Etter ein god middag og ein liten lur, er det tid for te og kaffi i dei gamle koppane.
Og loggføre besøket...! 



Stenger døra for denne gong....

Det er 13 varmegrader når vi går klokka halv fire og sola skin framleis på fjellet!
Sandalstøylen bur seg på vinter, håpar ikkje ein så kald og snørik som sist år.

Så vakkert med sol på Myklebustbrèen.
Men innan vi er attende i dalen har sola gått ned og er det nesten blitt mørkt. 

Lampe "feber"...!



Først litt historiske lamper: Lav stålampe frå 60 talet. Står på tre bein med kuler i enden.



Den same, sett få toppen, med ei skål glas-konfekt



Taklampe frå 50 talet, heng i gangen

Ei nyare taklampe men litt i same stil som ei vi hadde i min barndomsheim på 50/60 talet

Lampe over kjøkkenbordet, glas  m litt fargar (som ikkje kjem så godt fram her)



Klassisk, med glasprismer, kjøpt på auksjon. Vore i slekta.




Stålampa som eg alltid har vore så glad i. Arv frå min barndomsheim.




Italiensk måneskinnslampe, kjøpt til glasverandaen,  men den vart hengande i stova...




Ny og eksklusiv..... i ekte plast! Passar godt i glasverandaen.



Tiffanilampe laga i Tyskland, av ein bekjent



Ei riktig harry 60 talslampe, med plisserrt skjerm. Vi har fleire artige lampettar frå den tida,
 men tenkjer det er bra nok med lamper for denne gongen...!!



Leikestova...

Vil syne deg leikestova mi i dag...! Godvêret er tilbake og eg har henta smågraner til haustpynt.
 Nissen måla eg for mange år sidan og den held hus her heile året.

Bordet er heilt frå småjentetida mi! Vi hadde det i "spelestoket" ( leikehuset) til søskenbarnet mitt,
 og eg har fått teke vare på det.

Her er det ekte koppar og diverse krimskrams for ungane å leike med



Stille og ryddig på leikehuset i dag.... 




Pådekka til selskap...




Leikestova er god på regnvêrsdagar, men her er det visst sol og sommar!
Rett koseleg både for dei små og dei store.



Kvit kompardag!!



Det var ei kvit vakker verd vi vakna til i dag...!
Men dei siste blomane i hagen måtte få hjelp til å stå opp stakkars.



Og Astersen som nesten nyleg hadde kome i blom, og floksen blømde faktisk endå...

Findus lika det også dårleg, ta meg opp frå dette kalde kvite...!



Heldigvis hadde eg nyleg plukka inn mange bukettar i høve møtet vårt i Bygdekvinnelaget



Då det tok til å snø seint i gårkveld leita bonden fram salta lammekjøt frå frysen
 og ymta frampå om kompardag... som altså er breimsutrykket for torsdag/raspeballdag,



I Breim var det skilsmissegrunn før i tida visst ikkje gardkjerringa kunne lage kompar...!  Eg hadde verken husmorskule eller så stor innsikt i koking då eg vart bondekone, min bonde var mykje betre på matlaging enn eg..... men kompar var ikkje mellom hans livrettar. Det er først i dei seinare år at vi er blitt glade i denne tradisjonsretten, så ungane våre har diverre ikkje fått oppseding med kompar... 

Eg er for alvor byrja å lage det etter eg vart kjend med "raspeballmjølet", byggmjøl med potet!! Supert og raskt, 10 komparar på 5 min! Salta kjøt kokar ein time, ha bollane oppi og småkok ein time til. Kålrot kokar med dei siste minuttane. Det  m å  vera salta lammekjøt, slik at godlukta breier seg i heimen... Lukke til!



Puter i mitt hus

Eg har ei god taus som kjem heim med ei heilt uventa gåve iblant...!

Eg er glad i teakmøblementet mitt, men også i sterke fargar! Det kan kombinerast....
 (Duken kjøpte eg forresten på Loppemarkedet til Arbeidskyrkja for den nette sum av kr. 5.- )



Ei gamal koseleg "tantepute" kom fram i dagen att her nyleg....



Denne koselege danske dama såg du kanskje i førre innlegg, og ein stoffrest frå sjeselongtrekket vart ei lita pute som også har plassert seg her i plysjen.

I resepsjonen lever ei lita eksklusiv blå eit heller tilbaketrekt liv, blant vanlege bomullsputer

Den er handvevd, i ein teknikk i dobbeltvev (som eg burde hugse namnet på.....) Skal love deg at den har teke tid å lage, for eg har vevd eit bilde i den teknikken, då eg gjekk på huusflidskule i gamle dage. Fekk denne puta også med ei tante, som ikkje vov, men som var "bemidla" og hadde kjøpt den. Nokon som kjenner dette mønsteret? Tanta var lærar og budde i Selbu, og er forlengst borte frå denne verda. Puta er sikkert kjøpt i Trøndelag ein stad, på Husfliden i Trondheim kanskje.

Men ei vanleg einsfarga stoffpute kan saktens også gjere nytten, for å muntre litt opp i ei krå!!

Takksam for godvêret...




Nydeleg stol som vår flinke svigerson har laga!! Han kan meir enn sitt fag....
Potetene er endeleg komt i hus og vi kan roe litt ned.

 


"Sød" pute frå Danmark. Takk våre gode fiskevenner :o))




Det var reir i sommar i fuglekassa som vi fekk hjå Byrkjelo barnehage.
 Dei små flaug heldigvis ut mens pusane sov middag...!