Gamle dokker

Her er Anna frå 1888 og Kjellaug frå 1931 Eg har kalla dei oppatt etter eigarane... Anna frå mi grandtante, kjøpt i Bergen då ho var ti år og fekk vera med faren på jekta ut Sognefjorden og til byen. Kjellaug fekk mi tante då ho var sju. Det er ei heil historie om korleis den dokka endeleg vart hennar, då ho angjeveleg var for stor til å leike med dokker...!! (sju år!) No er begge nyrestaurerte og klar for å sitja på utstilling i museet mitt. Det er blitt mi oppgåve å ta vare på mykje gamalt frå slekta, og det set eg stor pris på!!

                                                                                           Anna sine selloloydarmar var så sprø at ein gjekk av, og ho måtte bandasjerast på "Hospitalet"

Men Kjellaug får seg Sognebunad! Stoffet til livet er ein liten brokaderest etter bunaden til ho som eigde dokka!! Og borden på forkledet er tyllbroderi frå grandtante Anna sine handarbeid...

På Anna hadde ein del av sageflisen inni runne ut, så ho var blitt veldig tynn stakkar. Her får ho litt spenstig fyllmasse inn under huda, og vert mykje meir frodig!

Nokre sting fekk ho i magen, men sjå ho tek det tappert!

Beina hadde og misst litt innhald og var modne for ei restaurering. Så fekk ho blonder på underbuksa,  og dei er hekla av grandtanta sjølv...

Mi eiga Sove-dokke-Lise frå 1955 må også få vera med i det gode selskap! Ho trong berre å få vaska garderoben sin, nokre år sidan sist... ein blir litt støvete av å sitja på stas oppå eit skåp! Så her sit ho no berre og slappar av og ventar på st kleda skal bli tørre og strokne...

Sjå den!! Fin ho også, sant??

60 tals

Vi har fått to "nye" gamle stolar...!

Dei passar perfekt inn i vårt kjøken frå 1969, som forresten har fått att sin første lysegrøne farge..... etter å ha hatt diverse blåfargar opp gjennom tida!

Stolane var i bruk på 60 talet, men hadde blitt ødelagde og var nedgraderte til å bli brukte til å stå på når veggar skulle målast. Dei såg ut deretter... Men etter å ha blitt pussa og fått nytt trekk kom dei inn i varmen igjen, bokstaveleg tala! Eit anna pluss er at dei er mykje betre å sitja på enn dei meir moderne som vi hadde.

 

Alltid vemodig...

Då er jula ugjennkalleleg forbi i år også, like vemodig kvart år for dei som elskar jul! Her er nokre av dei gamlaste glaskulene og lekkjene, frå besteforeldra våre. Og eit par tre nye av året.                  Sola er i kjømda og den må ikkje skine på juletreet, så vi rakk det også i år! Det kom så mykje snø her no at litt av utelysa heng endå, men det er lova mildvêr til helga, så då må det nok vekk, det og.                       

 

 

Sølvsvana, kjend frå ei slottslegende i Østerrike, hadde småjentene kjøpt til farfar då dei besøkte dette slottet. Ho har ei ekte svanefjør bak, og dei visste at han ville bli glad for den! Den må vi alltid passe godt på....

Bilen kom frå julemarkedet i Lübeck, ei dame på tur dit visste at bonden lika både gamle bilar og glaskuler...!! No har den vore på treet to gonger og er blitt pakka ned i silkepapir den også....

Besøk gjerne Live`s Kafè

Vertinna ynskjer velkommen!!

 er

"Dagens rett"

Kjøkenet har godt ry, og er, som du ser, velutstyrt

Ekstra tilbod for små gjester, dei modige av dei...!

Mattilsynet har godkjent....

Veldig kortreist is til dessert. Denne kafèen kan anbefalast, her er kjempegod service ***

BAKEDAG

Julelefsene må bakast! Sosialt å vera to bakstrekjerringar, både lefsene og praten går unda...!!

I Nordfjord er det tradisjon med lefser attåt fiskemiddagen, det var ikkje eg van med frå Sogn. Men det er svært godt med fiskekling! Den inneheld potet og kan også brukast til anna fyll. Vi har fått fiskelefsene klar i posar for frysing. Her er kakelefsene klare for smørjing. Vi blandar rømme, melis og smør, det vert luftig med ein tur i matmølla. Bra runde og fine desse lefsene, sant?    Så er det klart for smaksprøve, mmm, veldig gode!!

 Så vart det ein runde med flatbrød dagen etter. Desse vart smakfulle, med havregryn, finmalt rug og grov kveite. Og den gamle flatbrødboksen vart stappande full...! Eit godt byte til søtekakene...

SYMESTERSKAPET

Boksen med det rare i!! Tenk denne fekk eg av ei dame frå USA, som var turist her sist sommar. Thank you so much Jann! Ho hadde sett på bloggen min at eg lika saum, også driv ho og syr slike boksar. Eg tykte boksen var så fin, men vart endå meir overraska over innhaldet, sjå lenger nede...! 

 

  

I dag var det klart for det store symesterskapet! Vi hadde besøk av jentene, dei har fylgt programmet på TV og er i ferd med å lære seg å sy på maskin. Planlegginga er igong...

Syboksen vert opna...

Sjå den vesle boksen inni midten, med ei fingerbøll!

Jentene er i gong med kvar sitt antrekk, og konsentrasjonen er på topp

Visning!! Og begge gjekk vidare! Farmor også...

Formasjonar på toppen av Sandalsfossen

Her kastar Sandalsfossen seg utfor...!!    

          Fossen er liten no, og det er så spennande å gå i elvefaret  når elva ikkje fyller heilt opp lenger

Skurte berg , glatte som silke, og mange jettegryter..... Eit eventyrleg landskap!

Fossheimstøylen oppe til venstre, sett frå ein litt uvanleg vinkel

              Det er siste dagane i den vakre oktobermånaden, som framleis byr på naturens gåver!                      Har aldri før funne tytebær her oppe

Eg er så takksam for den flotte hausten vi har hatt, for helse til å nyte naturen, og for ein god ektemann som har idèar om spanande stader å ta meg med på i nærområdet

                                       Og her er mosen alt klar med nye knoppar og ein ny vår!!