Sandal ein vakker vårkveld, mai 2016

 Etter ein varm dag, med 25 +grader, var det fint med ein skogstur for å sjekke gjerde og led

                            Sola var i ferd med å gå ned, ca kl 20,30 då vi gjekk oppover i beitet

Emergency....!

 Bonden har leika seg litt med utsmykking av naustveggen! For våre fiskarar...i nødsfall!!

Sesongen er i gong

Første garnnatt i år gav ein halvkilos fisk og fem andre fine!!

Gledar oss til middag i dag!

MÅNESKINSKVELD

 Det er nokre gonger flott å vera ute ein sein kveld...! Ser ut som midtvinters, men vi har mai!!   Brèen og Snønipa er framleis  heilt snødekte, det har vore kalde neter til no.

 Hue og vottar på, men det er ganske lyst klokka halv elleve, det rimar ikkje heilt...

 Vatnet har heller ikkje vakse opp noko endå, øya ved elvemunningen er ganske stor.

 Må berre nyte stemninga og måneskinsturen!

Ein snev av stormen OLE

 Traktoren hadde fått stopp midt på tunet. Medan vi venta på ny startbrytar kom OLE med vind og meir snø..... og vi som hadde nok av det slaget....!!
Den "nye " traktor veslebroren måtte få kjettingar på og ut for å jobbe med snøen. Tunet og vegen til gjestehusa må vera køyrande, så det var inga bøn.

 Men desse to veteranane jobbar godt ilag, så det gjekk fint!

Litt skilnad på storleiken då, på ein ny traktor og den frå 1964!

 Sjå snøen har blese heilt inn i leikestova!

 Skikkeleg vinterleg var her dei siste dagane, men i dag har vi faktisk fått varmegrader....

Nydeleg søndagsmorgon

Før det vart heilt lyst i dag, var det eit rosa skin ute, og himmelen var blå-turkis....

Litt nysnø fekk vi i går, så det var berre nydeleg...!

 Partylysa som bonden fekk til jebusen i oktober, har lyst opp epletreet sidan, og skal lyse vidare...

I dag føremiddag ventar vi sola, men inni dalen er det litt skya no etter frokost, så det er litt uvisst....

Godvêr og nok snø!!

 No kan vi gå opp på låvetaket vårt, så då kan vi sei oss fornøgde med snøhøgda!

Ved Gamleskulen, grenda sitt festlokale, sjå: berre pynten stikk opp på porten!!

Ved fellesfjøsen tok dei gravemaskin i bruk, for å få snøen vekk frå glasa...

Sola skin i høgda og i nabolaget, berre nokre dagar til vi får den att her  i tunet vårt ...

NOVEMBERLYS

Ein vakker morgon....!

Heile verda var rosa i dag tidleg, skulle tru det ikkje fannst noko vondt nokon stad...

Tykkjer det er berre i november det kan bli slik, det må vere noko spesielt med lyset på denne tida.

Ved det normale...

So er dagane heilt normale igjen.... dei normale dagane, då ingenting spesielt hender, dei er det flest av!! Kanskje er det bra slik. Vi har hatt litt frost i natt, og sola skin berre ei lita stund no.

Vatnet er også tilbake til det normale, naustet har fått land og strand igjen attmed seg

Dei sauene som har berga seg frå slaktebilen, og skal føra slekta vidare, kosar seg ute enn so lenge.

FLAUM, Okt 2014

Sandalsvatnet har vore stort mange gonger, men aldri så stort før.

Sitjeplassen ved elvemunninga er heilt under vatn....

Elva gjekk langt over sine bredder

Jordblanda overflatevatn strøymde inn i snikkarbua, shitt...  og vidare inn i vaskekjellaren, der er heldigvis betonggolv og god sluk.

Men  endå verre... også inn i 60 tals stova vår. Her vert platecover tørka opp, og andre ting som stod på golvet. Vi håpa det hadde gått bra... Men etter få dagar byrja golvet å bule opp, vatnet hadde  trekt ned under flisane, det var våte sponplater og huntonitt under, vi må få alt vekk.

Nokre bilder tekne tidlegare. Det er ganske mykje som må ryddast ut, før vi kan legge nytt golv.        Er berre glade for at vatnet kom på dagtid og at vi var heime, så det kunne begrensast så pass.